ಶ್ರೀ ಮೌನೇಶ್ವರ ವಚನ ಮಾಲಿಕೆ - 785

ಮೌನೇಶ್ವರರ ವಚನಗಳು - 785

" ಹಿರಿಯರ ಮಕ್ಕಳಿಗೆ ಬಿರು ನುಡಿಯು ಸಲ್ಲದು 

ಬರನುಣ್ಣ ಅನುಗಾಲ ಲೋಕದ ಕುರಿಯ 

ಕಾಯ್ವಂಥಾ  ಶುನಕನ ಮಾಡಿದನು 

ಸೆರಿ ಅಂಬಲಿಯನಿಟ್ಟು ಸಲಹಿದನು 

ಧರ್ಮದ ಸಂಗಯ್ಯನ ಹರಿಕುಂಟು ಮೀರಿದರೆ 

ಇರವಿಯ ಮರಕೆ ಎಳಸುವರು, ಬಸವಣ್ಣ "

ವಚನಾರ್ಥ :-

ಪ್ರಾಜ್ಞರಾದ ಗುರುಹಿರಿಯರ ಮಕ್ಕಳಿಗೆ ಸಂಸ್ಕಾರ ಬಲದಿಂದ ಕಿರಿಯ ವಯಸ್ಸಿನಿಂದಲೇ ತಿಳುವಳಿಕೆ ಬಂದಿರುತ್ತದೆ. ಅಂತವರು ಇನ್ನೊಬ್ಬರ ಮನಸ್ಸು ನೋಯುವಂತಹ ಸಲ್ಲದ ಮಾತುಗಳನ್ನು ಆಡಬಾರದು. ಆಡಿದರೆ ಧರ್ಮದ ಸಂಗಯ್ಯ ಬಂದು ಕುರಿಗಾರರ ನಾಯಿಯ ಮಾಡಿ ಅಂಬಲಿ ಇಟ್ಟು ಸಲಹುವನು, ತಪ್ಪಿದರೆ ನರಕಕ್ಕೆ ಎಳಸುವನು.